Soneta XVIII ni Shakespeare: salin sa tagalog

Dapat ka bang ihambing sa arawan?

Tunay ngang ika'y mas kabigha-bighani:

t'wing Mayo'y umaalimpuyo ang ulan

na tinatapos ang init na napakaikli;

kadalasa'y ang sinag ng langit ay nagsusumigaw;

at minsan nama'y ang araw ay nananahimik;

at ang araw: tagsibol ay sinisilaw,

sa pagbabago, kalikasan nga'y sabik;

datapwat ang iyong sinag ay 'di papawiin,

ni hindi maglalaho ang ganda mong taglay;

ni 'di mabibitbit ni Kamatayan sa kaniyang lilim,

'pagkat sa mga pantig nito, ika'y mabubuhay:

samantalang may humihinga at nangakakikita

ay mabubuhay ito at bibigyam-buhay ka tuwi-tuwina.

Source:  http://bonelessbangis.blogspot.com/2009/07/sonnet-18-by-shakespeare-filipino.html